Verducido ten unha poboación de 990 persoas.

Aldeas:

A Abelleira, Bordel, Covadáspera, O Gabián, O Outeiriño, Rosende, Verducido y Vilariño.

Ocupa un terreo montañoso, accidentado polos outeiros das Pasadellas, das Canteras e do Campo de Bois, no que destaca o monte Acibal, que supera os 600 metros de altitude. Conta con paisaxes naturais que nos conducen á evasión, como as que se poden contemplar no Pontillón do Castro, reserva de auga da cidade de Pontevedra e refuxio de aves, que conta nas súas proximidades cunha ampla zona de lecer.

Na cima do monte sitúase un fermoso miradoiro cunha gran escultura en pedra dedicada aos canteiros. Desde aquí, ademais dunha canteira de granito moi próxima, pódese contemplar a beleza da contorna e da cidade de Pontevedra.

Destaca a igrexa parroquial, totalmente reedificada durante o século XVIII, que inclúe unha peza abovedada anterior, da que se cre que podería ter sido unha antiga sancristía.

FESTAS

A festa patronal celébrase o día 11 de novembro (San Martiño), pero tamén se celebran  San Brais, Santa Bárbara e o Corpus Christi.

Cura parroco: Don Herminio Sande

ZONA RECREATIVA

Verducido conta cunha ampla zona recreativa na contorna do encoro do Pontillón do Castro.

Un parque infantil

Rocódromo

Zona de recreo 

Rutas de senderismo

Nunha circunferencia de máis de 3 quilómetros, poderá percorrer toda a contorna do encoro, con fantásticas vistas e amplos e tranquilos sendeiros que lle transmitirán unha sensación de infinita calma.

Durante o seu paseo poderá atopar e observar as vacas e cabalos que baixan do monte Acibal. Así mesmo, poderá contemplar os piragüistas de elite que adestran nestas augas, ou numerosos usuarios facendo footing, paseando ou andando en bicicleta.

O Pontillón do Castro é ese lugar que debe coñecer, percorrer e gozar.